Komisioni për sëmundje infektive: MPPS dhe komunat të gjejnë zgjidhje për kapacitetet hapësinore

19:27 | 31 Korrik 2020
A. B.

Ministria për Punë dhe Politikë Sociale dhe Komunat të gjejnë zgjidhje për kapacitetet hapësinore të kopshteve, është rekomandimi i takimit të Komisionit për sëmundje infektive dhe përfaqësuesve të MPPS-së.

Nga Ministria e Shëndetësisë informojnë për AIM se në takimin e Komisionit për sëmundje infektive me përfaqësues të MPPS-së është diskutuar për fillimin e funksionimit të kopshteve.

“Konkludimi është se Komisioni i rekomandon MPPS-së dhe komunave të gjejnë zgjidhje për kapacitetet hapësinore. MPPS të japë propozim datë për hapjen e kopshteve, konform mundësisë për plotësimin e kushteve për zbatimin e protokolleve që i ka përpunuar Komisioni për sëmundje ngjitëse”, kanë thënë nga MSH./Telegrafi/